Declamatiewedstried : twieë regiofinales in Echt-Susteren

Al gerume tied zeen op de basissjoale in Ech-Zöstere de materiale besjikbaar wodoor kènjer kènne mitdoon aan de jaorlikse declamatiewedstried.  Op de meiste sjoale zeen ze al aan de slaag, al den neet get op waeg gehólpe door de lieëraar, door aojers of groataojers.

In de Veldekekrink Ech waere al jaore lank stieëds 2 finales georganiseerdj. Dit vanwaege de groate belangstèlling, mer väöral vanwaege versjille in ’t dialect. In Ech is de finale noe väör de 21e, in Zöstere (vanaaf de fusie van de zelfstandige gemèndjes) noe väör de 15e kieër.

Kènjer oet Ech-Zöstere die op ’n anger sjoal zitte en toch gaer mit wille doon kènne zich rechstreeks aanmelje bie info@veldekekrinkech.nl.

De regionale finales zeen dit jaor in Pej, op zóndigmiddig 14 april, vanaaf 13.30 oer in “de Pejjerhaof”. Zöstere volgtj op zóndigmörge 21 april, óm 10.00 oer in Mfc “de Hermeniezaal”.

De wènnaars in eder categorie kènne door nao de provinciale finale. Die zal zeen op zaoterdig 25 mei in de Hanehof in Gelaen.