Dialectsprookjesbook “Juul de kleine kwânte kwakkert” 

Stadsvastelaovendjvereîniging De Rogstaekers uut Weert prizzentieërtj “Juul, de kleine kwânte kwakkert”, ‘n uniek sprookjesbook, geschrieëve in 17 Limburgse dialecte. Op 26 en 27 november 2021 teîkende de Rogstaekers vör de organisatie van de festiviteite roontelum de uutreiking van de Orde van de Gulden Humor, de hoeëgste Limburgse vastelaovendjoongerscheî-jing. ‘t Thema van de Gulden Humor 2021 és Sprookjes bestaon. ‘t Verhaol van Juul, de kleinje kwânte kwakkert és geschrieëve doeër Mark Bouwmans en de prênte zeen geteîkendj doeër Rob Jacobs.

Op reis doeër Limburg

‘t Verhaol gieët oeëver de kleine Limburgse kwakkert Juul. Juul és gek van sprookjes en van vastelaovendj. Hae droumtjer van um doeër ‘n knappe prinses tot preens te waere gekusj. Um zien prinses te vînge hieëte ‘ne touverdrânk noeëdig, bestaondje uut 17 ingrediënte di-j te vînge zeen in de 17 plaatse di-j aangesloeëte zeen beej de Samenwirkende Limburgse Vastelaovesvereniginge. Same mét ziene gooje vrînd, de touvenaar Carnavales, gieëte op paad doeër Limburg. Ze make van alles mej. Waat dit book dus extra bezûndjer maaktj, és detj geschrieëve és in 17 verschillendje Limburgse dialecte: eder bladzi-j in ‘t dialect vanne plaats woeë ‘t aventeur zich afspuuëltj.

Bestélle

Juul, de kleine kwânte kwakkert és ‘n uniek verzamelobject. ’t Moog dan ouch neet óntbraeke inne collectie van edereîn dae geintressieërdj és in dialecte. Daobeej ésj e book det alles in zich hieët um uut vuuër te laeze.

‘t Book és te koup vör € 19,95 per stök en wurtj eînmaolig in gelimitieërdje oplaag uutgebrachtj. Bestélle kan doeër ‘ne e-mail te steure nao info@vvderogstaekers.nl

← Ga terug