Dialekzanggroep “Angers” zeuk muzikaal leider
“Dialekgroep Angers “ is eine leuke en fleksibele amateur zanggroep dae zich helemaol haet toegelach op et meersjtummig zinge van dialekmeziëk, steets in ein verrassend jeske, en is gevraogd door de hele provinsie Limburg. Daobiej zinge veur alles in et dialek van de plaats woo et leedje oorsjpronkelik vanaaf kump.
Ozze huidige muzikaal leider, René Haustermans, haet nao bienao 12,5 jaor aangegaeve vanweege drökke werkzaamheeje te wille stoppe mit et leije en begeleije van ozze zanggroep. Daorom zin veur op zeuk nao eine opvolger.
Ozze optraejes höbbe zeker neet de oetsjtraoling van ein konsert in de tradiessionele opvatting, mer zin angers. Saame mit os 100% Limburgs dialek rippertwaar maak os det uniek!
Veur os rippertwaar, waobiej auch Vastelaovendj- en Kerstleedjes, kent geer hie kieke.
Veur zeuke ein(e) bedreeve toetsenist(e) mit affiniteit mit dialek-meziëk.
Veur telle momenteel 15 leeje en rippeteere op maondjigaovindj van 20.30 toet 22.30 oer in kefee “Biej Ton en Marij” in Kessel. Ozze zanggroep besjteit momenteel oet 4 sopraane, 4 alte, 3 tenore en 4 basse.
Interesse? Of wetse eemes dae deeze gezellige groep de kommende tiëd zoo kènne leije en begeleije, meel den nao Dialekgroep Angers.
Inlichtinge biej ozze sikkretaris Rezie Bouten via tillefoon 077-4621889 of 06-42442054
Facebookpagina Dialekgroep Angers