Gediech vaan Antoon Brouns oet Klumme

Antoon Brouns oet Klumme is eine vaan de sjrijvers die regelmaoteg werk insjik nao Veldeke mèt Limburgstaolege verhaole, gediechte en limericks. ’n Euverziech vaan zien werk is te vinden in ’t arsjief vaan ’t Sjrieverspodium op deze website.

Heer vertèlt doa-in euver zien dörp Klumme en euver ziene kindertied dee heer dao – nao ’t ziech liet aonzien mèt väöl contentegheid – heet doorgebrach. Daorum noe bezunderen aondach veur e nostaligisch gediech vaan Antoon mèt es titel “Uvverdingking”.

Uvverdingking

‘t Is i Zuid-Limburg woeë ich bi gebaore
In e dörp óm genau te zieë
Verbrach höb ich dao gans get jaore
‘t Hoes va doew dat is neet mieë

Al vreug höb ich ‘t auwisjhoes verlaote
Óm nimme trük te kómme
Väöl va de welt gezieë; väöl mitgemak
En väöl indrökke mit heivisj genómme

Meh waor ‘t ‘t allenej waerd?
‘t Bezej kump ieësj later in ‘t laeve
Esse haos aan dien ing sjteis
En dich noch maer innige jaore zunt gegaeve

Aa ‘Hej ich maer’ höpse da nieëmes
Lègk dich d’r maer bie neer
Geneet noch va de res va die laeve
En drink dich dèkser e glaeske beer