‘HAHA. Sjnap mich ins, wen se kins!’

Nui beuksjke Veldeke Heële en umsjtrieëke i samewirking mit d’r Peuterópvang Heële

’t Viefde en nuiste beuksjke uuever Pim en Poes, ee initiatief va d’r Peuterópvang Heële (POVH), versjient óp d’r 21e fibberwaar 2022 in ’t Heëlesj Plat. D’r titel is “Pim en poes en d’r lachende eëzel”. ’t Verhoal vuur peuters is gesjrieëve durch ’t Sandra Israel en numt uch mit langs inkele markante gebouwe en plekke i Heële en Gebrook. De klurige en herkinbare tekeninge en ’t óntwerp van ’t beuksjke zint van ‘t Aline Ploeg va Groenergras.com.

Pim en poes wille wete wat ing sjtad is. Zint de gebouwe en pleine en hoezer ing sjtad, of…? Lier same mit Pim en poes get sjoeën plekke va Heële kinne.

Neëve ’t verhoal en de tekeninge gieëf ’t beuksjke ing route langs versjeie gebouwe en plekke i Heële en Gebrook en ing sjtempelkaat, woeóp de kinger en hun ouwesj sjtempels kinne sjpare óp inkele lokasies  oet ’t verhoal.

’t Beuksjke is te gelle bei d’r bookhandel Van der Velden – van Dam i Heële, Primera H’heide, Readshop Hoensbroek, bei Schunck, d’r Visit Heerlen winkel in ’t Moankwarteer, ’t Nationaal Mijnmuseum, ’t Thermenmuseum én Kasteel Hoensbroek. De letste vief zint óch lokasies die in ’t beuksjke geneumd weëde.

 

← Ga terug