Halewijnpries Remunj veur Bennie Lindelauf

Op zoondag 2 aprèl oontvingk de oet Zitterd aofkomstege auteur Bennie Lindelauf d’n Halewijnpries vaan de stad Remund.

D’n Halewijnpries weurt dit jaor veur d’n daartegste kier oetgereik. Ieder woort de pries gewonne door auteurs wie Tommy Wieringa, Arthur Japin, Ester gerritsen, Joke J. Hermans, Erik Vlaminck, Pauline van de ven en Peter Drehmanns.

Benny Lindelauf (Zitterd, 1964) debuteerde in 1998 mèt Omhoogvaldag, gevolg door oondermie Negen open armen (2004) en De hemel van Heivisj (2010). Ouch sjrijf heer veur ‘t jäögtheater zoe wie Icarus, of het vliegen is allang begonnen.

D’n Halewijnpries weurt jaorleks touwgekind aon e literair talent wat, nao de meining vaan ‘nen deskundege jury, op groond vaan kwaliteit van zie/häör versjene werk extra belangstelling verdeent. De pries besteit oet e geldbedraag vaan € 1500,- en e kleinplatiek in broons vaan de kunsteneer Dick van Wijk.

Op dee zelfden daag weurt ouch de Reinaerttrofee veur ‘t Bèste Book naomens de jäög vaan Remund oetgereik. De jury vaan deze pries heet gans oonaofhaankelek vaan de Halewijnpries-jury gekoze veur ‘t nuiste book vaan Bennie Lindelauf: Hoe Tortot zijn vissenhart verloor.

 

← Ga terug