Hemelse helpers, e book euver ingeleprintsjes en hun rol in het daogeleks leve in Limburg

Printsjesverzameleer Frans Pluijnmaekers heet e nui book samegestèld oet zien collectie ingeleprintsjes. Cultureel antropologe Kitty Jansen-Rompen, conservator aon ’t museum de Domijnen in Sittard, assisteerde bij ’t make vaan de käös en sjreef ’n verhandeling euver de beteikenis vaan die printsjes veur de Limburger.

Ingele zien vaan alle tije. Ze zien zelfs neet geboonde aon de christeleke cultuur, ouch in ander geluive speule ingele ’n groete rol. Meh in eus Limburgse contreie heeft ’t geluif aon ingele bijgedrage aon ’n bezunder printsjescultuur, boebij gein inkel stadium in e minseleve woort euvergeslage. Of ’t noe de communie waor, ’n broelof of ’n begraffenis, euveral woorte printsjes en ingele bij betrokke.

Frans Pluijmaekers heet dao ’n verzameling van doezende printsjes aon euverhawwe. Heer gaof al ieder beuk oet die ’n ruim käös lete zien oet zien 70.000 stökker tèllende printsjesverzameling en die heer zoe veur ’t naogeslach bewaorde. Meh dees ingeleverzameling heet heer tot ’t lèste bewaord. Kitty Jansen-Rompen waor bereid dao ’n verhandeling euver te sjrieve, die ouch nog ins sterk persoenlek gekleurd is, boedoor veer ‘ne bezundere kiek op ’t Riek Roomsche Leve in Limburg kriege geprizzenteerd.

Es geer mie wèlt wete euver ’t book en\of verzameleer Frans Pluijmaekers en/of auteur Kitty Jansen-Rompen daan kint geer kontak opnumme mèt oetgeverij TIC tèllefoon 043-3262414 of kieke op de website vaan d’n oetgever. Geer kint ‘t book bestèlle via de webshop vaan d’n oetgever.