Het Dialectenbureau: podcasts euver dialekte   

De Limburgse taol is ein vaan de mies gesproke “dialekte” in Nederland. Dat wèlt neet zègke tot in ander regio’s en stei gein dialek gesproke weurt. Integendeil, ’t aontal is bekans neet te tèlle. Dat bliek wel oet de podcasts die Marc van Oostendorp in samewèrking mèt umroop Max dao-euver maak.

In tot noe touw 9 aoflieveringe beliech heer in Nederland veurkoumende dialekte vaan versjèllende kante: leze en sjrieve, op ’t werk, in de meziek, in de wetensjap, dialek es verzèt, en zoe mie. En in versjèllende vaan die aoflieveringe kump netuurlek ouch ’t Limburgs aon bod: vaan Beppie Kraft tot Rowen Hèze, um ‘rs mer e paar te neume.

Veur wee geïntrèsseerd is in taol zien dees podcasts zeker de meujte vaan ’t beluustere weerd. Meh ouch wee gewoen ins wèlt wete wie in Limburg en dao-boete mèt dialek weurt umgegaange of wee ins oontspanne wèlt luustere nao good gemaakde verhaole oet gans Nederland, kint zien hart ophole. Via deze link krijg geer ’n euverziech vaan de aoflieveringe vaan Het Dialectenbureau. Väöl luusterplezeer demèt.