Jelske brink Dialectric-album ‘Weer & Wind’ oet

Singer-songwriter Jelske brink 11 jannewari 2022 eur album ‘Weer & Wind’ oet det zeej in samenwerking mit Huub Holtman creëerde. Same mit Huub ontwikkelde zeej ‘t nieje genre ‘Dialectric’, elektronische dialekmeziek. ‘t Genre wao ‘t album ‘Weer & Wind’ ónder velt.

Jelske Wilmer – artiestenaam Jelske – haet Huub óntmoet tiejes ‘t projek ‘Kersmis in Venlo’. Venlose artieste schreve kersnummers in ‘t dialek en nome det mit professionele muzikanten en producer Leon Bartels op. ‘t Project prikkelde Jelske um weer dialektekste te schrieve. Veur de elektronische finish zoch zeej de samewerking op mit muzikant en producer Huub Holtman.

Wilmer studeerde aaf aan ‘t Conservatorium Maastricht en brach in 2011 eur debuutalbum ‘Breeze’ oet. In 2019 brach zeej ‘t Engelstalige album ‘On my way’ oet. Dao naeve werkde zeej mei aan verschillende meziekprojekte zoeë as ‘Venlo Heartbeat’ same mit Mike Roelofs en Baer Traa en ’t baove geneumde ‘Kersmis in Venlo’ mit ‘t nummer ‘Zalig Kersmis’.

Huub Holtman brach in 2016 zien ierste soloalbum oet. Vanaaf daen tied hilt hae zich bezig mit synths en samplers soundscapes. Heej is zien interesse óntstaon um zich ouk op ‘t producere van meziek te richte. Holtman produceerde same mit Niels Koster van Oakland Recordings de meziek van ‘t album ‘Weer & Wind’. De drums zien ingespeuld door Philippe Holla.

‘t Album ‘Weer & Wind’ is te hure via alle online platforms vanaaf 11 jannewari. Via de artiestepagina van Jelske vindt geej mier informatie. De live opname van de single ‘Genog Gewaes’ is te beluustere via YouTube.

← Ga terug