Jubileumbeukske Declamatiewedstried Zöstere

Al vanaaf 2002 organiseert de Veldeke Krink Ech jaorliks de declamatiewedstried väör de jeugd van de basissjoale. In de ieëste jaore allein in Ech, mer vanaaf 2008 – ènkel jaore nao de gemeintelike fusie – ouch mit ’n apaarte finale in Zöstere väör de deilnummende kènjer oet Zöstere, Detere, Roostere en de Nuujstadt. Det waas gein kwestie van gewuuen get beukskes en breve mieë kopiëre. Alles mós ouch in ’t toch waal aafwiekende zösters waere ómgezatj, zoadet de kènjer dao in hun eige dialek kóste väördrage. In die 10 jaore die intösse verstreke zeen, höbbe hieël get kènjer mit gedaon en höbbe väöl aojers, groataojers en anger volgers van de finale aovendje kènne genete. En d’r wore successe! Ouch in de Limburgse Finale van Veldeke.

Väörig jaor waas de 10e finale in de Hermeniezaal. Noe is äöver die 10 jaor ’n beukske samegestèldj mit äöverzichte van de wènnieërs, de juryleje, de gekaoze gedichte en mit foto’s. Det is ’n sjoan documentje gewore van “10 jaor Declamatiewedsjtried veur de jeug van Zöstere”.

Op vriedig 13 april a.s. óm 19.00 oer zal, bie gelaegenheid van de 11e finale, in ’n kort inleidendj programma dit beukske waere aangebaoje aan börgemeister Jos Hessels. ’n Paar kènjer die in de aafgeloupe jaore gewónne höbbe en noe de basissjoal al óntgreujd zeen, zólle hun gedich nog èns laote huuere. Ouch is d’r ’n kort optraeje van zangeres Britt Eberson, die bie versjillende finales ’t pauze-optraeje verzördj haet. Aansloetendj begint de wedstried van dit jaor. Alle kènjer die mitdoon, kriege na aafloup ’t beukske mit nao hoes.

← Ga terug