Kirchroa jeet plat 2021 noe op YouTube

De zevende editie vaan Kirchroa jeet plat, ’t twiejaorleks dialekspektakel, kós dit jaor neet wie gewoenlek live plaotsvinde mèt publiek. Meh de organisatore höbbe ’n alternatief bedach in de vörm vaan ’n studio-opnaome die via versjèllende regionaal tèllevisiezenders oet de ganse provincie is oetgesjik.

Op 10 oktober woorte in theater De Buun in Kèrkraoj tèllevisie opnaomes gemaak vaan 28 dialeksjrijvers oet de ganse provincie. Dao traoje wijer mer leefs 6 muzikaal acts op en versjèllende toneelvereineginge bringe sketches, zoetot veur ‘ne lach en ’n traon gezörg weurt.

Artieste die hun mètwèrking verliende zien: Mella Klaessen, Hans Emmen, Ton Custers, Wiel Hamers en vrienden, De Hoos en Baltus & Co. Auteurs die mètdoen oonder mie: Will Wintjens, Wim Kuipers, Vivianne Rijnders., Lizette Colaris, Maurice Hinzen, Annie Tummers, Loek van de Weijer, Marc Didden, Raymond Clement, Fer Kousen en väöl, väöl andere. Toneelvereiniginge Excelsior en Frohsinn zörge veur de sketches.

Dao zien drei tèllevisie-programs gemaak die zien oetgesjik door RTV Mestreech, TV Heuvelland, TV Landgraaf., TV Ellef, TV Bie Os en ML5. Noe die oetzendinge echter de rogk zien kin ederein die dat wèlt nog ummertouw genete vaan ‘ne käör aon Limburgse artieste want de opnaomes zien vaanaof noie te zien op YouTube. ’t Program is opgedeild in 5 blokke vaan eder ca. 15 menute. Geer kint ze hei bekieke en beluustere:

En es geer alles achterein wèlt kieke kint geer hei klikke.

 

← Ga terug