Laura Theunissen: Limburgse gedichskes mit laeveswiesheje

Pas versjene: ’n sjoan beukske ónger de titel “Vanmichveurdich” van Laura Theunissen. In dit beukske ruum hónderd korte gedichskes, op ’t ieëste gezich eenvoudig, mer die allemaol vol laeveswiesheid zitte. M’n kan dao herkènning, ’n momènt van bezinning of truues in vènje. En wellich nuuj zelfvertroewe.

Laura Theunissen, gebaore en getaoge Oppe Slek (Ech-Zöstere) is al versjillendje jaore bezig mit taal. Sjrif zien gedichskes in ’t plat noe sinds ’n paar jaor. Eerder allein op losse wènskaarte, wovan de Veldeke Krink Ech väörig jaor in coronatied alle leje ’n setje cadeau haetj gedaon. Alle kaarte geseerdj mit ’n passendj bleumke. Dao woor väöl waardering väör.

Noe dus ’n verzameling in ’n beukske, allein te bestèlle via de sjriefster en samestèlster zelf. Veur € 19,95 krig m’n d’r den ’n setje kaarte bie (zoa lang de veurroad strektj). Mail nao dit adres.

D’r staon twieë laezinge van Laura Theunissen op ‘t program:

  • Zaoterdig 2 april, óm 11 oer, in bibliotheek de Domijnen in Ech – Thema: Leefde (intro oppe Nationale Boekenweek).
  • (Goje) Vriedig 15 april, óm 15 oer, in bookhanjel Dominicanen te Mestreech. Thema: miene persuuenlikke aanloup nao ‘t sjrieve.

Aanmelje is neet nuuedig. Ederein is welkom.

← Ga terug