Leonie Cornips es columnis veur Veldeke

Mèt väöl plezeer kinne veer uuch melle tot Leonie Cornips vaan noe aof aon häör columns op de website vaan Veldeke Limburg geit publicere. Wie bekind is Leonie hoeglieraar “Taolcultuur in Limburg” aon de universiteit vaan Mestreech en is ze ouch verboonde aon ’t Meertens Instituut in Amsterdam. Tot veur kort waore de  columns vaan Leonie in De Limburger te leze meh umtot dao ’n ind aon kaom is ze op zeuk gegaange nao ‘n meneer um häör Limburgse lezers via ’n ander kanaal te bereike. Veldeke is gruuts um häör die gelegenheid te beeje.

Leonie Cornips zal eus regelmaoteg op de huugde hawwe vaan nui ontwikkelinge op het gebeed vaan de Limburgse taol en cultuur. Um tot zie geweend is in ’t Nederlands te sjrieve en euze website consequent twietaoleg is, höbbe veer aofgesproke tot häör columns eder kier in ’n ander Limburgs dialek vertaold zalle weure. Häör ierste bijdrage heet es titel: “Nuijaorsberiech vaan de Taolunie: ‘ne gemisde kans”. Es geer op de link klik kint geer dee deze kier in ’t Mestreechs lezen. En es geer liever in ’t Nederlands leus, daan kint geer nog altied op ’t Nederlandse vlegske klikke.

← Ga terug