Limburgse gemeintes centraal in serie “Hier is mijn vaderland” op L1 TV

In de serie “Hier is mijn vaderland” vaan rezjiseur Maurice Nijsten späölt ederskier ein Limburgse gemeinte de hoofrol in de 25 menute dorende aoflieveringe. Gekoze is veur gemeintes boe de dörpskerne miestal nog ’n hechde gemeinsjap vörme. Daobij waor ’t oetgaankspunt veural tot in die gemeintes väöl aofwisseling te vinde is op ’t gebeed vaan cultuur, vereinegingsleve, opmèrkeleke intitiatieve, joonk talent, muzikaol items, ‘t “eigene”en zoe wijer. Ouch ’t streekdialek späölt in eder aoflievering vaan “Hier is mijn vaderland” ’n belaankrieke rol. De diversiteit aon dialekte in de regio’s oonderstriep jummers ’t eigene nog ins en gief ’n extra couleur locale aon ’t gehiel.

Op versjèllende locaties in de gemeintes tröf de prizzentator, Fabienne Nijsten, lui die ’t geveul vaan “Hier is mijn vaderland” illustrere of verstèrke. De mieste gemeintes bestoon nao de versjeie herindeilinge oet mie kerne. De identiteit vaan ‘ne kern verandert normaliter neet es ‘r oonderdeil weurt vaan e groeter gehiel. Deze culturele speurtoch beejt de kieker e beeld vaan karakteristieke plaotse in Limburg, zoewel vaan dörpsgeziechte, sjoen landsjappe en ’n sameleving boe vörme vaan cultuur en ’n hechde gemeinsjap ’n essentieel oonderdeil vaan ’t daogeleks leve oetmake.

Veur Limburgers en neet-Limburgers die geïntrèsseerd zien in ’t cultureel leve vaan dees provincie e sjoen documint. Vaanaof 19 miert 2022 starte de aoflieveringe 7 tot en mèt 12 vaan dees serie op L1 tèllevisie. Daonao weure de aoflieveringe 1 tot en mèt 6 herhaold. Veur e compleet euverziech vaan de oetzend tije kint geer hei klikke.

← Ga terug