Limburgse recepte
Zoer vleisj
Zoer vleisj ies ‘n typisch Limburgs sjtreekgerech, dèks gecombineerd mèt friete. Bie de frituur kèns se ”frietsje zoer vleisj” besjtèlle, meh ouch in väöl eetcafé’s, snackbars en eethoezer ies diet gerech te kriege.
Recep
* 1 kilo runderlappe (of knien in sjtökker)
* 2 groate unne
* 3 a 4 groffelsnegel
* 1 a 2 theelepelkes soelker
* 1 tas azien,
* 1/2 of 1 tas water
* peper
* zout
* 2 of 3 eetlepele appelsjroap
* 1 plak peperkook,
* boter
Bereiding
‘t Vleisj, eventueel ‘n nach gemarineerd in de azien, in dobbelsjteinekes sjnieje en in de boter aanbakke.
De in sjtökskes gesjneje unne effe mètfruite. Dan de res van de ingrediënte debie doon, behalve de sjroap en de peperkook.
Laot ‘t in 2 oer gaarsjtove.
Op ‘t ing de sjroap debie doon en ‘t eventueel teväöl voch get inkoke.
Veur ‘t opdene kèn nog peperkook debie gedoon weure. Dit bingk ‘t gehièl nog extra.
Els Diederen, Valkeberg
Vriedigse sop, dikke sop, kwaer durch d’r jaad
Recep:
sjpoor
un
vèt of boter
witmoos
knópsilderie
moor
boane
eerappele
zout
laureerblaad
paeper
mèlk
silderiesjtengel en blaad of peterselie
Bereiding:
Maak de sjpier sjpoor zuver en sjnie ‘m in ringskes. Maak de unne zuver en sjnie in sjtökker. Werm get vèt in de sopketel bak hie-in de unne. Es ze lichbroen zint ’t sjpoor debie doon en mètbakke. Maak de res van de greunte en de eerappele sjoan en sjnie al in sjtökker. Doon ze mèt water, zout en sjpecerieë debie en laot al koke tot ’t gaar is. Drièj de sop door de passevite (of gebruuk de sjtaafmixer) en bring ’t op sjmaak mèt sjpecerieë en get mèlk. Doon dan ’t silderiegreun of peterselie d’r in. ’t Mót ’n dikke sop zin, gebruuk väöl greunte en neet te väöl water.
Noe op vriedig waal vleisj gegaete maog waere kènne d’r ouch gehaksbölkes in de sop en kèn in de plaats van water ouch bouillon gebruuk waere.
Pannekeuk
Pannekeuk waere gereigeld gegaete, nao dikke sop bie de middig en saoves in plaats van broad. Ze waere gemaak van sjtevig gisbesjlaag.
Recep
4 dl mèlk
20 g bekkersgis (höffe)
400 g bloom
paar laepele sókker
1 ei
bitteke zout
boter of vèt
Bereiding
Maak de mèlk lauwwerm. Doon e bitteke van de mèlk bie de gis en reur dat oet tot e pepke. Doon de bloom in ‘ne kómp en maak e kuulke d’r in. Sjöt dao-in de aangemaakde gis, de sókker en de eidoajer. Voog e gedeilte van de mèlk toe en reur tot e glad besjlaag. Doon de res van de mèlk d’r bie. Klop ’t eiwit sjtief en sjöp ’t door de deig. Zèt ’t op ’n aafgedèkde plaats um te laote rieze tot ’t volume verdöbbeld is.
Maak e kluntsje boter werm in de kokepan en laot ‘ne laepel besjlaag d’r in loupe. Bak de pannekook langsaam tot de bovekant druèg is. Drièj um en bak de andere kant. Lèk de pannekook op ’n sjotel en zèt die op ’n pan heit water. Bak dan alle pannekeuk en hout ze werm. Besjmaer de pannekeuk mèt Limburgse sjroap.
Netty Engels Geurts/Els Diederen
Valkeberg