Loesterverhaole bie Veldeke Krink Ech

Vanaaf half april zètj Veldeke Krink Ech waekeliks ’n dialectverhaol oppe website, det is ingespraoke en röstig op ’n zelf gekaoze momènt kan waere beloesterdj. De verhaole zeen 5 – 10 minute lank en hieël versjillendj: historisch, nostalgisch, poëtisch, informatief enz. De opzèt is óm de leje en anger leefhöbbers van oos sjoan taal, die nog väöl allein thoes zitte of in ’n verzörgingstehoes, get óntspanning en bezigheid te beje. Loestere geitj de meiste minse mekkeliker aaf es laeze.

De verhaole zeen gehaoldj oet versjillendje publicaties of zeen nao ‘ne oproop spontaan ingestuurdj door leje of anger sjrievers in dialect. Ouch de z.g. “meisterstökke” van de aafsloeting van de cursus “Laeze en sjrieve in ’t Limburgs” blieke hieël gesjiktj.

Väör belangstèllendje staon de loesterverhaole besjikbaar op de website van de Veldeke Kring Echt. De bedoeling is ouch toekómstig regelmaotig ’n nuuj verhaol in te spraeke en aan te beje.

Reacties en verhaole zeen altied nog welkom. Loestertj hie mer èns nao ’t verhaol van “’n Sjoan aovendjwanjeling” van Wilma Dingelstad en ingespraoke door Marjo Jaski-Verheesen.

 

 

← Ga terug