Nui book vaan LiLiLi: Durch mien ouge vaan Marloes Lammers-Hoekstra

Es Marloes Lammers-Hoekstra nao zoe’n daarteg jaor aofwezegheid trökkump nao häör geboorteplaots, weurt ze nog verleefder op ’t Kirchroadsj es ze al waor. Ze begint in dees taol gediechte te sjrieve en ze fotografeert daogeleks häör directe umgeving. Kirchroa, ’t Kirchröädsj meh veural ouch herinneringe en eige geveulens kriege ’n hiel levendege en boonte besjrijving, zoewel humoristisch en serieus.

Nao ’n tiedsje, nog gei jaor, wèt ze e gans book vol te sjrieve wat noe es LiLiLi 84 door Oetgeverij TIC zal weure oetgebrach. Zoe’n zesteg gediechte mèt illustraties vaan eige hand. Aongezeen väöl vaan häör femilie en kinnese allewijl in ’t Noorde vaan ’t land woene, heet Maurice Hintzen in samewèrking mèt Marloes zelf vertaolinge in ’t Nederlands gemaak.

Op 23 mei waor d’n officiëlen lanceerdaotum meh dat waor in verband mèt corona netuurlek e bitteke anders es normaal. ’t Book kump wel in de winkels te ligke, mèt naome in de Kèrkraojse, meh krijg mèt ‘nen echte booktrailer, ’n reclaamcampagne via sociaol media en mailadresse. ’t Book kos € 12,50. Ouch online te bestèlle via oetgeverij TIC in de Ticshop

 

← Ga terug