Nui Platbook 24 mèt es thema “Wendj taege” geprizzenteerd

In d’n aonloup nao de fiesdaog is op zaoterdag 28 november in Bookhandel Dominicane in Mestreech ’t nui Platbook geprizznteerd. Dees editie stoont oonder redactie vaan Robert Doyen, opleiingsmanager Taol+ (vreuger: Volwassene-eduatiue/VE) vaan ’t Vistacolleesj.

Platbook is é serie beuk mèt gediechte en verhaole in ’t Limurgs vaanoet de ganse provincie. Noe verscjijnt Platbook deil 24. ’t Thema vaan dees editie is: Wind tege.

Wind tege kint me letterlek en fuguurlek interpretere. ‘nen Tegevaller op ’t werk, in de leefde, in ’t creatiefproces. Fietserenners höbbe lever wind in de rögk, meh soms – este get vaan diech aof wèls zètte – is wind tege ouch welkom. “Eve oetwejje” weurt zjus es hiel positief geveuld, zeker in tije vaan Home Office. ‘ne Meuleneer zal zègke: kom mer op mèt dee wind. Ouch corona beteikent veur väöl lui tegewind en zoe höbbe Limburgse auteurs oet alle windstrek, mer leefs 45, eder hunnen eige invalshook gekoze.

In dees oetgaof stoon weer opvallend väöl debutante: Guus Knebel, Nel Majolee-Smeets, Ruud Versteden, Ria Martens-Verkuijlen, Els Janssen-van Avesaath, Aggie Schrijvers, Pauline Bongers, Hanneke Post, Mark Courage, René Wolter, Sylvia Simons en Guy Caelen.

In totaol waore dao mie es op inzendige vaan perceis 72 deilnummers. ’t Aontal debutante wijs in eder geval drop tot Platbook eders kier obbenuits nui talent wèt te vinde en te stimulere.

Platbook weurt in opdrach vaan ’t Hoes veur de jnste in parfticipatie met de stiechting LiLili, Veldeke Limburgs en de Raod veur ’t Limburgs oetgegeve door oetgeverij TIC. ’t Idee um Limburgse sjrijvers op dees meneer e podium te beeje is aofkomsteg vaan Wim Kuipers. Noe versjijne twie edities per jaor, ederskier mèt 64 poagina’s Limburgse literatuur.

Platbook 24 is veur € 9,90 te koup in de beter bookwinkele en via de webshop vaan oetgeverij TIC .

Wèlt geer mie wete euver de auteurs en/of de oetgaof nump daan kontak op mèt oetgeverij TIC, 043-3262414 of kiek op de website vaan de oetgeverij TIC

 

← Ga terug