Nui podcastserie euver dialekte

Op d’n Daag vaan de Moojertaol (21 fibberwarie) geit Umroop MAX bekind make tot ze wèrke aon ’n podcastserie euver dialekte. In de negedeilege serie, getiteld Het Dialactenbureau, maak professor Marc van Oostendorp ’n vroleke reis door Nederland. Same meèt bekinde ambassadeurs oet gans Nederland plaots heer ’t dialek op e vootstök. De Podcastserie is vaanaof maondag 17 april 2023 te beluustere op NPO Luister en alle bekinde podcastplatforms.

In Het Dialectenbureau deit professor Marc van Oostendorp oonderzeuk nao de functie, de sjoenheid en d’n huidege staot vaan ’t dialek in Nederland. Es taolkundege en dialektoloog gelt Marc es ’n absolute otoriteit op ’t gebeed vaan dialek, meh heer deit zien oonderzeuk niet allein. In nege aoflieveringe tref heer ziech mèt tal vaan dialeksprekers oet ’t gans land, die ’n lans breke veur hún dialek. Vaan Jack Poels (Limburgs) tot Katinka Polderman (Ziews) en vaan SMIB (straottaol) tot TikTok Tamma (Gronings): gans Nederland kump aon de beurt.

De luustereer vaan Het Dialectenbureau krijg antwoord op de vraog boerum ’t dialek nog ummertouw zoe deep in eus ziel veraankerd zit en wat dat te make heet mèt nostalgie, traditie, verzèt, strijd, gruutsheid en verbinding. En boe dialekte dreige te weure vergete, teikent Marc ze same mèt de ambassadeurs op, veur ’t te laat is. Want ‘dialekte dreige te verdwijne’. Of toch neet?

Het Dialectenbureau (9 aoflieveringe)
Vaanaof maondag 17 aprèl 2023
Eder week ’n nui aoflieverng
Prizzentatie: Marc van Oostendorp
Te beluustere via MAX Vandaag en NPO Luister