Nuuj Platbook 23 haet ’t thema: De 4 sezoene

Sjik euren teks in veur 31 miert!

Riddaktäör is Maurice Nijsten, filmer en programmamaeker. Hae is veural bekind door zien natuurfilme, vreuger veur de KRO: Natuur in Eigen Land, det hae same mit Jo Erkens maakde. Hae filmde bao jeder sjtök natuur in Limburg. Allewiel wirk hae aan de twelfdeilige tv-serie Hier is mijn vaderland, wo veurnamelik Limburgs in gesjpraoke waert.

Platbook is ein reeks beuk mit gedichter en verhaole in ’t Limburgs. ’t Ierste beukske versjeen in 2008. ’t Initiatief woor van Wim Kuipers. ’t Woveur: good ein jaor teveur beslaot Veldeke ’t gelieknamige tiedsjrif op te doeke. Sjrievers en dichters hauwe inins nieks mie wo ze häör wirk haer kóste sjikke.

Platbook versjient wies noe twie maol sjaors. Jeder oetgaaf, meis 64 pagina’s diek, haet ein thema. Ei paar daovan: Fitsprovins, Vastelaovend. Grenze. Gans Greun, Mode, Dinkend aan Limburg..

Waat te doon? Sjrieve en insjikke. Platbook sjteit aope veur alle genres, mae de limiet is 600 wäörd. Krek get veur eine (kl)einakter!

Insjikke dus veur 31 miert, nao paul@uitgeverijtic.nl.  Waem ei plaetske krieg in Platbook 23, krieg ein oetneudiging  veur de prizzentasie plus ein eksemplaar van ’t beukske.

← Ga terug