Nuuj projek van kemissie volkskultuur: verhäölkesbeukske

Ós kinjer mótte plat blieve kalle. Det is al jaore ein van de oetgangspuntje van de kemissie volkskultuur van Veldeke Limburg. Nao ‘n serie lesbreve euver Limburgse óngerwerpe wille veur noe aan de sjlaag mit ‘n verhäölkesbeukske veur peuters en kleuters. Det gaon veur neet same mit eine krink doon, mer leefs mit allemaol. ‘t Beukske geit ‘n tweetalige oetgaaf waere: de verhäölkes in ‘t plat (mit plaetjes) van de krink dae ‘t inbrink en daobiej es biejlaag de basisteks mit veur eder oetgaaf dezelfde verhäölkes in ‘t Nederlands (sónger de plaetjes).

De kringe die mitdoon levere dus zelf ‘ne vertaler. De kemissie is al ieferig op zeuk nao geschikte verhäölkes, leefs nuje en zich örges in Limburg aafsjpelend. (Biej zón lokasie wille ze den mesjien get sjtiepe.) Dit is medein ouch ‘ne oproop aan sjrievers óm ‘t verhäölke waat ze altied aan häör (klein)kinjer of häöre groep vertèlle in te sjture. Det moog in ‘t plat en ouch in ‘t Nederlands. Vanwaege de doelgroep neet te lank estebleef, veur dinke aan ein döbbel blaad per verhaol. Sjtuur ‘t nao riky.simonsjulicher@hccnet.nl.  Dao waert alles verzameld en kènt g’r mit vraoge terech.

(Zjwaams)