Op zeuk nao lui die Limburgs praote

Joske Piepers vaan de Universiteit vaan Tilburg deit momenteel ’n online oonderzeuk oonder lui die Limburgs spreke. Dat oonderzeuk riech ziech op de variatie binne en de veranderinge vaan de Limburgse dialekte. Speciaol wèlt ze oonderzeuke of en wie ’t Limburgs vaan lui die väöl Nederlands gebruke in hun daogeleks leve versjèlt vaan ’t Limburgs vaan lui die minder Nederlands gebruke

Häör oonderzeuk besteit oet drei deile. In ’t ierste deil weurt aon de deilnummers gevraog e paar foto’s te besjrieve; dit mage ze gewoen in hun eige wäörd doen en op hun eige meneer invölle. In ’t twiede deil weurt gevraog um get zinne vaan ’t Nederlands in ’t dialek te vertaole. Es lèste kump dao nog ’n vraogelies bij boe-in weurt ingegaange op e specifiek oonderwerp. Alles bei-ein doort ’n oongevier ’n haaf oor um deil te numme, meh geer maag oondertösse gewoen ’n poos numme.

Ederein dee Limburgs sprik kint mèt doen, alle leeftije, alle woenplaotse. Um te kinne deilnumme höb geer ‘ne PC of laptop nudeg mèt ‘ne microfoon (dus geine smartphone of tablet!). Geer kint inlogge via deze website. Deilnumme kint tot 17 jannewarie aonstaonde. Es geer nog vraoge höb kint geer die stèlle aon J.Piepers@tilburguniversity.edu.

En es extra aonbeveling: ieder deilnummers voonte ’t erg leuk um te doen en geer kint ouch nog ‘ne kedobon winne!

← Ga terug