Podcast De Limburgse taal & … de taalstrijd

In de serie Podcasts De Limburgse taal &… prizzentere de makers Ruud Kleinen (L1 Radio en TV), Harry Rouschop (LIMx) en Frans Pollux (zenger en prizzentator) de derde aoflievering oonder d’n titel ”De Limburgse taal &… de taalstrijd”. Zie oonderzeuke dao-in wat veur rol de versjèllende Limburgse dialekte speule in de Limburgse maotsjappij. Frans Pollux maak veur eder aoflievering ‘ne muzikaole column. Noe is aoflievering 3 vaan de podcast te beluustere boe-in de väölheid aon dialekte centraol steit. Te gas zien Marc Hermans en Martijn van Helvert.

Arties, oondernummer en bestuurder Marc Hermans vertèlt euver zien ervaringe mèt de versjèllende dialekte. Heer moot zien Kirchräödsj dialek ummertouw aonpasse um begrepe te weure. Toch is heer ‘ne veurstaonder vaan ’t behaajd vaan de oersprunkeleke dialekte. Dialek verbint us mèt de plaots boe veer woene en leve. Leedsjes speule daobij ’n belaankrieke rol.

De Limburgse Twiede Kamerlede vinde tot dao mie gedoon moot weure aon ’t behaajd vaan ’t Limburgs. Ze zien daorum ’n petitie gestart: steun de Limburgse taol. Parlementariër Martijn van Helvert is initiatiefnummer. Frans Pollux stik in ziene muzikaole column d’n draak mèt Marc Hermans.

De aoflievering is te beluustere via deze website en via versjèllende podcast platforms boe-oonder Spotify, Apple Podcasts en Anchor. Eder 14 daog versjijnt ’n nui aoflievering