Podcast: De Limburgse Taol & ander Dialekte

Mèt Björn van der Doelen en Hans Anker

In opdrach vaan de Stiechting LIMx en mèt financieel steun vaan de provincie Limburg en Veldeke Limburg make Ruud Kleinen en Harry Rouschop ‘ne podcast euver de Limburgse taol: “De Limburgse taol & …”. Zie oonderzeuke wat veur rol ’t dialek späölt in de Limburgse maotsjappij. Frans Pollux maak veur eder aoflievering ‘ne muzikaole column.

Vaanaof noe is aoflievering 12 te beluustere boe-in ‘t Braobants dialek centraol steit. Väöl Limburgers make ziech zörg euver d’n touwkoms vaan ’t dialek, meh wie is dat beveurbeeld in Braobant? Veur eine kier  verliet “De Limburgse taal &…” de provincie en striek neer in Eindhove aon de keuketaofel vaan Björn van der Doelen, singer songwriter, acteur, podcaster en ex-profvoetballer mèt e groet hart veur ’t Braobants dialek. Veer spreke mèt Björn veurnaomelek euver ziene meziek meh ouch euver PSV, Guus Meeuwis en zie nui planne passere de revue. Mèt e veurleesbook en e fèlmscrip in ’t Braobants blijf heer ziech inzètte veur zien streektaol.

De Friese straofrechavvekaot Hans Anker geit al mie es 60 jaor same mèt zie broor Wim en allebei hun femilies op vekantie in ’t Zuid-Limburgse Slenake. Euver en weer weure oondertösse oetwisselinge georganiseerd tösse Slenake en Akkrum. Eind vaan dit jaor goon allebei de breurs stoppe es avvekaot. Ze goon oonder mie vrijwèllegerswerk doen veur SC Heerenveen. Es fervente Heerenveen supporters kieke ze oet nao de derby’s mèt Cambuur de koumende competitie. Es lèste oonthölt Frans Pollux ’t geheim vaan ’t Braobants dialek.

Alle aoflieveringe zien te beluustere via deze website en via versjèllende podcastplatforms boe-oonder Spotify, Apple Podcasts, Google Podcast en Anchor. Eder 14 daog versjijnt ’n nui aoflievering.

← Ga terug