Podcast: De Limburgse taol & … de Finale

Veer zien pessimistisch meh hawwe de mood drin. Dat is de conclusie vaan de makers vaan de podcast De Limburgse taal &… In de allerlèste aoflievering kieke Harry Rouschop en Ruud Kleinen trök op de gesprekke die ze geveurd höbbe mèt alle gaste. Wat veel hun op, wie dinke ze zelf euver eus dialek en mesjiens kump wel ’n antwoord op de vraog: weurt euver 50 jaor nog plat gekald.

In opdrach vaan de Stiechting LIMx en mèt financieel steun vaan de provincie Limburg en Veldeke Limburg maakde Ruud Kleinen en Harry Rouschop ‘ne podcast euver de Limburgse taol: “De Limburgse taol & …”. Zie oonderzeukde wat veur rol ’t dialek späölt in de Limburgse maotsjappij. Frans Pollux maakde veur eder aoflievering ‘ne muzikaole column.

In de finaal aoflievering #13 kump ouch taoljournalis Gaston Dorren aon ’t woord. Heer raojt awwers aon veural plat te kalle mèt hun kinder. Heer zuut ’t oonderwies in Luxemburg es veurbeeld veur Limburg. Dao liert me tijdens ’t oonderwiestrajek speulenderwijs drei taole. Momenteel sjrijf Gaston e book mèt es titel “Leer in zeven dagen zeven talen lezen”, ‘ne stoumcursus Fries, Spaons, Italiaons, Portugees, Deens, Noors en Zweeds leze. ’t Allerlèste woord is aon Frans Pollux: Adieë wah.

Alle aoflieveringe zien te beluustere via deze website en via versjèllende podcastplatforms boe-oonder Spotify, Apple Podcasts, Google Podcast en Anchor. Eder 14 daog versjijnt ’n nui aoflievering.