Podcast: De Limburgse taol & Identiteit

Vaanoaf noe is aoflievering 10 vaan de podcast De Limburgse taol & … te beluustere boe-in identiteit centraol steit. Te gas zien Eline Schmeets, Twan Huys en Frans Pollux.

In opdrach vaan de Stiechting LIMx en mèt financieel steun vaan de provincie Limburg en Veldeke Limburg make Ruud Kleinen en Harry Rouschop ‘ne podcast euver de Limburgse taol: “De Limburgse taol & …”. Zie oonderzeuke wat veur rol ’t dialek späölt in de Limburgse maotsjappij. Frans Pollux maak veur eder aoflievering ‘ne muzikaole column.

Wat höbbe dansmarietjes , de brandweer en leefde te make mèt identiteit? Dat kump allemaol veurbij in e gesprek mèt spraokwaterval Eline Schmeets, cultuurwetensjapper bij ’t expertisecentrum Studio Europa Mestreech. Opgeveujd in ’t Nederlands en zelvers dialek gelierd oonder mie via vekantiebäönsjes. In tegestèlling tot de Limburgse identiteit is de Europese identiteit oongriepbaar, meh daorum neet minder belaankriek. Zie deit oonderzeuk nao ’t Europees integratieproces. Ze hoop op mie oug veur de realiteit op de groond. “Die zachte g is gein inkel probleem. Die maak weeste bis en dat is charmant”.

Twan Huys os prizzentatietrainer Judit Bosch nog ummertouw daankbaar veur dit advies wat heer kreeg bij zien beginjaore in Hilversum. Tegenwoordeg woent Twan in Amsterdam en sprik heer allein nog dialek mèt femilie en vrun oet zien geboortestreek. Vreuger sjakelde heer meujteloes euver vaan ’t Venloos nao ’t Horster dialek. Heer druimp devaan oets e vakwerkhuiske in Zuid Limburg te kinne koupe. Columnis Frans Pollux wèlt gere “verdwiene” mèt Eline.

Alle aoflieveringe zien te beluustere via deze website en via versjèllende podcastplatforms boe-oonder Spotify, Apple Podcasts, Google Podcast en Anchor. Eder 14 daog versjijnt ’n nui aoflievering.

 

← Ga terug