Podcast: Moot de polletiek ziech bemeuje mèt eus dialek?

In opdrach vaan de Stiechting LIMx en mèt financieel steun vaan de provincie Limburg en Veldeke Limburg make Ruud Kleinen en Harry Rouschop ‘ne podcast euver de Limburgse taol: “De Limburgse taol & …”. Zie oonderzeuke wat veur rol ’t dialek späölt in de Limburgse maotsjappij. Frans Pollux maak veur eder aoflievering ‘ne muzikaole column.

In aoflievering 6 vaan de podcast steit de polletiek centraol. Te gas zien Alex Peeters en Petra Dassen. De erkinning door de euverheid vaan ’t Limburgs dialek es streektaol woort in 2019 nog ins bevesteg in e convenant.

Alex Peeters, indertied beleidsadviseur bij de provincie Limburgs, is eine vaan de architekte vaan dit convenant en euvertuig vaan ’t nöt daovaan. Dialek späölt ’n belaankrieke rol in zie werkzaom leve want tegenwoordeg is heer in deens bij de gemeinte Beesel boe de gemeinteraod groete weerde hech aon dialek spreke.

Collegevergaderinge in Kèrkraoj, oonder veurzittersjap vaan börgemeister Petra Dassen, goon in ’t dialek. En um ’t ies te breke in gesprekke mèt börgers is dèks häör openingszin: “Ver kinne ouch plat kalle”. Dialek spreke kint dus e veurdeil zien veur Limburgse börgemeisters.

Frans Pollux gief zin zienen aofsletende muzikale column ’t convenant ’n stum. Alle aoflieveringe zien te beluustere via deze website en via versjèllende podcastplatforms boe-oonder Spotify, Apple Podcasts, Google Podcast en Anchor. Eder 14 daog versjijnt ’n nui aoflievering.

← Ga terug