Podcastserie euver kinderbeuk in ’t Limburgs dialek

In de nui podcastserie Keenderbeuk steit ‘t kinderbook centraal. Eder aoflievering praot Harry Rouschop mèt ‘nen auteur euver e kinderbook gesjreve in e Limburgs dialek. In ’n apaarte aoflievering leus de sjrijver ’t book veur.

In aoflievering 1 is ’n interview mèt Mariska Schijns oet Sjömmert te beluustere. Zie publiceerde aofgeloupe jaor n.a.v. ‘t ZLF (Zuid Limburgs Federatiefies vaan de sjötters) ‘t kinderbook Sebas. E verhaol in ‘t dialek euver e roedbeurske wat de leefde veur de sjötterij letterlek vaanaof daag ein mèt de paplepel krijg ingesjöd. In aoflievering 2 leus Mariska ‘t book veur.

In aoflievering 3 praot Harry Rouschop mèt Astrid Frusch. Zie sjrijf kinderbeuk o.a. in ’t Kirchröädsj dialek. Hoofpersoen is ummertouw Floortje, de dochter vaan Astrid. ’t Nuiste avontuur ’t Floortje viert vastelaovend geit euver e Limburgs meidske wat veur d’n ierste kier vastelaovend viert. Floortje verkleit ziech, geit nao d’n optoch en viert vastelaovend op de merret. In aoflievering 4 leus Astrid ’t book ’t Floortjes viert vastelaovend veur in ’t Kirchröädsj dialek.

De podcastserie Keenderbeuk is ’n productie vaan de stiechting LIMx en is te beluustere via www.limx.nl en versjèllende podcastplatforms boe-oonder Spotify.