Prizzentatie Platbook 23: De veer sezoene
Boondel vaan Limburgse dialeksjrijvers oonder redactie vaan Maurice Nijsten
Op vriedag 26 juni 2020 is Platbook 23 gelanceerd. ’t Thema vaan dit 23e deil in de serie blomlezinge in de Limburgse taol is: De veer sezoene. Wie dat thema gekoze woort had nog niemes vaan corona gehuurd, noe bepaolt ’t eus daogeleks leve. De mie es 80 auteurs lete ziech neet allein door ’t daogeleks leve vaan ’t jaor roond inspirere , meh ouch corona stoont bij sommege centraal. Mer leefs 37 bijdrage haolde de oetgaof. In verband mèt de pandemie is dao gein openbaar bijeinkoms mèt alle auteurs en genudegde gehawwe meh ’n klein euverhandeging vaan ’t ierste exemplaar bij ’t Hoes veur de Kunste in Remund.
De netuur mèt al häör kleure steit dèks centraal in de door Maurice Nijsten geselecteerde tekste meh ouch de netuur es metafoor vaan ’t minselek bestoon. Vaan netuurfèlmer Maaurice Nijsten ligk zoe’n käös netuurlek veur de hand. Maurice Nijsten sjreef zien verantwoording en inleiing in ’t Nirbiks (Neerbeeks), boe heer opgreujde. Opvallend waor obbenujits ’t groet aontal debutante in deze boondel, lui die veur ’t iers in ’t Limburgs sjreve.
De auteurs
Platbook 23 bevat werk vaan Annie van Gansewinkel, Brigitte Notermans-Overmans, Colla Bemelmans, Loek van de Weijer, Lisa An Cuijpers-Rutjens, Guus Kitzen, John Hertogh, Jo van Es, Annie Tummers-Huppertz, Erwin Lennarts, Luc de Rooy, Frans Hendriks, Har Sniekers, Mien Wijnhoven, Ton van Wegberg, Wiel Roeselers, Els Zeegers-Koelen, Ger Prickaerts, Jan Feijen, Marloes Lammers-Hoekstra, Marjo van Es, Carmen Nazarski, Sjra Vossen, Jan Titulaer, Maurice Hinzen, Pierre Hensels, Els Diederen, Mia Engels, Els Nieskens, Jean Paulssen, Tjeu Wetzeler, Phil Schaeken, Jan Verboogen, Paul Caquelein, Jan Nieling, Peter Kleuters, Pauline Bongers.
Euver Platbook
Platbook is bedoeld veur Limburgse dialeksjrijvers en -lezers. De boondels weure oetgegeve in opdrach vaan ’t Hoes veur de Kunste Limburg in samewèrking mèt Veldeke Limburg, de Raod veur ’t Limburgs, de Stiechting LiLiLi, Oetgeverij TIC en Wim Kuipers. Auteurs oet de ganse provincie wèrke mèt um ederskies ’n ander thema te besjrieve in hun eige verhaole, gediechte en andersoortege tekste. Redacteuren zien lui mèt affiniteit mèt ’t Limburgs, soms oet de polletiek, soms oet ’t cultureel veld.
Platbook 22 is evenes alle veurgaonde nómmers veur € 9,90 te koup bij versjèllende Limburgse bookhandels en ouch via de webshop vaan oetgeverij TIC.