Radio-interview mèt de veurzitter vaan Veldeke Limburg

De veurzitter vaan Veldeke Limburg, Christine van Basten, is koumende zoondag 3 november te gas bij ’t L1-radioprogram De Stemming, wat zoe wie gebrukelek rechstreeks weurt oetgesjik vaanoet kaffee Forum in Mestreech. Ze nump dao deil aon ’t interview boebij ouch Bep Mengelsberg, sikkertaris vaan Levende talen Limburg en streektaolfunctionaris Ton van de Wijngaard aon taofel zitte.

Oonderwerp vaan gesprek is de stand vaan zake vaan de Limburgse taol. Wie steit ’t dialek deveur, wie kint ’t gebruuk devaan weure gestimuleerd en hölp ’t tot ’t Limburgs noe officieel erkind weurt in e convenant mèt de regering in Den Haag?

’t Gesprek mèt Christine van Basten vint plaots in ’t twiede oor vaan De Stemming, zoe tösse 12.00 en 12.20 oor. De Stemming is ’n discussieprogram wat edere zoondag weurt oetgesjik op L1-radio. De prizzentatie is in han vaan Fons Geraets en Frank Ruber.

Geer kint ‘t interview nog ins beluustere op de website vaan De Stemming (evekes nao oonder scrolle nao ‘t twiede audiofragmint).

 

← Ga terug