Sjtepke Truk, book en CD’s vaan Laur Rutten

“Soms zien dao mominte boe-op veuroetkieke en trökkieke samevalle. Dit jaor is veur miech zoe momint. Gaonde de jaore woort ummer dèkser nao “de verhaole achter mien leedsjes” gevraog. Es die noe mer ins opgesjreve zouwe weure. Dat is noe gebäörd in “Sjtekpe truk”. E lees- en luusterbook veur, door en euver de lui die ziech oonderein, meh ouch miech, op hunne weeg zien tegegekoume.”

Dat zien de wäörd boemèt Laur Rutten zie projek “Sjtepke Truk” introduceert. Noe de muzikant en sjrijver oet Sint Gietere 65 is gewore kiek heer trök op zie leve; neet in nostalgie meh zjus um zoe beter veuroet te kinne kieke. ’t Book is gesjreve vaanoet ’n historisch en otobiografisch perspectief. Aon de hand vaan zien eige verhaol hèlt de sjrijver us ‘ne spiegel veur boe-in heer nao eus gemeinsjappelek verleie, ’t hede meh veural d’n touwkoms kiek. ‘t “Vertaot uuch” vaan ziene vaajer en de wäörd “I have a dream” vaan Martin Luther King vörme mer éi veurbeeld vaan de parallelle die heer trèk tösse zien of eus eige beleving en de groete wereld um us eweg.

’t Book bevat ’n historisch/otobiografisch deil wat zoewel in ’t dialek es in ’t Nederlands is gesjreve. Daoneve zien dao de aofzunderleke verhaole in ’t Nederlands en de oersprunkelek in ’t Eijsdens dialek gesjreve leedtekste. ’t Book bevat twie verzamel CD’s mèt dao-op alle verhaolde leedsjes. Oeteraard kinne die ouch gestreamp weure.

’t Book kós € 27,50 en is te kriege bij de volgende verkouppunte:

  • Plus (postagentschap) van Raymond en Esther Custers, Cramignonstraat 1, Eijsden
  • Plus (postagentschap) van de fam. Kleijnen, Amerikaplein 2, Margraten
  • Muziekpraktijk EDITH RUTTEN, Ursulinenstraat 14, Eijsden
  • VVV Eijsden (servicepunt), Museum Het Ursulinenconvent, Breusterstraat 27, Eijsden

Meh geer kint ’t ouch aofhole bij d’n auteur thoes:  Pastoor Huynenstraat 7. St. Geertruid.
Gere veuraof eve belle: tèllefoon 0434081970 / 0639873439.

De mie-opbrings vaan ‘t book geit nao mde Stiechting Jambo Hakuna Matata.

 

← Ga terug