In Spanje, e reisverhaol vaan de Limburgse literator Frans Erens

Frans Erens oet Schaesberg waor roond 1900 ‘ne bekinde literator dee behuurde tot de strouming vaan de Tachtegers. Heer raakde bevrund mèt Jozes Israels, de bekinde sjèlder oet de zoegenaomde Haagse School. Same mèt Jozef Israels en dee ziene zoon Isaäc oondernaom Erens in 1894 ’n reis nao Spaanje. Allebei de reizegers sjreve hun eige verslaag vaan die reis. Dat vaan Israels is al ieder oetgegeve en vertaold in ’t Ingels en ’t Duits. Meh ’t verslaag vaan Frans Erens is noets compleet gepubliceerd. De Stiechting Os Moddersproak verzörg noe ’n bezunder oetgaof, boe-in die twie reisverslage same weure gebrach.

’t Is Mei 1894. In Den Haag is Jozef Israëls zien vrouw Aleida zjus gestorve. Frans Erens zit roond deezelfde tied in Kölle in de pöt umtot zien loupbaon in de advocatuur is mislök, zienen diechboondel slech is oontvaange en zien verloving is verbroke. Isaäc Israels, de zoon vaan de sjèlder, brink de twie same en nump hun mèt op ’n reis nao Spaanje. Veer weke vol avontuur, oontbering en verwoondering volge. ’t Weurt ‘ne louterenden toch.

Door de twie reisverslage same te voge, oontsteit ’n uniek, intiem döbbelportrèt vaan twie groete kunsteneers, door bezörger Jean Frins in ‘n modern spelling gezet en veurzeen vaan ’n hoonderdtal annotaties. En de touwgevoogde tekste vaan Erens euver ’t book vaan Israëls en reisgenoot Isaäc Israels plaotse dees reis in e nog breier perspectief.

’t Book heet es titel “Jozef en Isaäc Israëls – In Spanje, met Frans Erens” en vörmp deil 24 in de literair reeks vaan Os Moddersproak. De pries is € 12,50 (exclusief versjikkoste) en kint bestèld weure via dit adres.

← Ga terug