Steun Veldeke!

Veldeke is ’n vereineging die iefert veur ’t bevordere en behawwe vaan de Limburgse taol. Die taol is veur väöl Limburgers hun moojertaol, de taol die ze vaan hun awwers höbbe mètgekrege wie ze joonk waore. Daodoor steit die taol kort bij hun, heet die taol ’n bezunder plaots in hun hart, is ’t de taol boe-in ze hun geveules ’t bèste kinne ute. Die taol verbint us oonderein, meh ouch mèt ’t verleie, mèt eus veurawwers.

Limburgs praote begint bij de opveujing

Veldeke is vaan meining tot die taol neet verlore maag goon. Meh veer wete ouch tot de Limburgse taol oonder drök steit. In ’t oonderwies, door de euverheid, in de media weurt veurnaomelek Standaard Nederlands gersproke en gesjreve. En d’r is ‘nen tied gewees tot Limburgse awwers gei dialek mèt hun kinder wouwe praote umtot ze dachte tot die kinder daomèt beter kanse zouwe höbbe in de maotsjappij. Oondertösse is al lang beweze tot ’t tegendeil woer is: twielaoge opveujing lievert zjus veurdeile op!

Nederlands kriege de kinder vaanzelf aongelierd op sjaol en op d’n tèllevisie. Meh ’t Limburgs mote veer zelf in stand en in iere hawwe. Gelökkeg zien ummertouw mie awwers en groetawwers dat ouch in en liere ze hun kinder en kleinkinder weer “plat” praote. Dat is netuurlek de bèste meneer um eus taol te bevordere: zelf praote en doorgeve aon de volgende ginneraties.

Weur lid vaan Veldeke!

Meh es geer get mie wèlt doen daan kint geer ouch lid weure vaan eus dialekvereingeing Veldeke. Veer organisere in 10 door de provincie verspreide lokaal Veldekekring alderlei activiteite boebij de taol in de sjienwerpers steit. Veer informere uuch euver alle nui oontwikkelinge boebij euze Limburgse taol betrokke is. Veer oontwikkele initiatieve um ‘t Limburgs oonder de aondach te bringe. En zeker zoe belaankriek: veer iefere um polletiek draagvlak te kriege veur ’t stimuleren vaan eus taol. Dat kinne veer neet doen zoonder steun vaanoet de Limburgse bevolking. Weur lid vaan Veldeke en völt oonderstaond formeleer in. ’t Kos e paar tiensjes per jaor, dao hoof geer ’t neet veur te laote.  Veer heite uuch vaan harte welkom en geer steunt e good doel.

Jao, iech geef miech op es lid vaan Veldeke. Mien gegeves zien:

MaanVrouw