Unieke Nederlands/Duitse dialekaovend

Heemkundevereineging Maas en -Swalmdal prizzenteert Pierre Bakkes en dr. Georg Cornelissen oet Bonn.

Veureg jaor zien tijdens drei good bezeukde bijeinkomste ’n aontal aspecte vaan de streektaol beliech: ’t dialek vaan Reuver, Swalme meh ouch dat vaan Elmt en Bracht. De veerden aovend belaof ouch weer hiel intrèssant te weure. Es gaste zien dezen aovend oetgenudeg Pierre Bakkes en Georg Cornelissen, twie deskundege die in de ieredivisie vaan de dialekkunde actere.

Pierre Bakkes (Mofert) is bekind es d’n ierste streektaolfunctionarus vaan Nederlands-Limburg. Tot 2006 heet heer dees functie bekleid. Noe is heer veurzitter vaan de Belgisch Nederlandse vereniging voor dialect- en naamkunde en daoneve lid vaan ‘t Bureau Streektaal Nederlands Limburg.

Georg Cornelissen (Bonn) is hoof vaan de aofdeiling Sprachforschung aon ’t Institut für Rheinische Landeskunde und Regionalgeschichte. Heer is specialis op ’t gebeed vaan spreektaole in ’t Niederrheingebeed. Zien aonwezegheid is zoondermie bezunder te neume.

Same zalle zie dezen aovend op ’n boejende meneer invölle. E breid scala aon oonderwèrpe roond de streektaol zal aon de orde koume. Mèt ander wäörd: ’n unieke gelegenheid veur ederein dee ’t dialek e werm hart touwdreug.

Geer zeet vaan harte oetgenudeg op 14 november um 20.00 oor in ’t Parochiehoes, Pastoor Vranckenlaan 6 te Reuver. Vrij entree.

 

← Ga terug