Veldeke blijf thoes

Noe ederein verpliech zit opgehok en mennegen arties of sjrijver vaanoet de hoeskamer via internet vaan ziech liet hure, kint Veldeke netuurlek neet achterblieve. Veur wee dat intrèssant vint of veur wee ziech gewoen stierlek verveelt, goon veer de koumenden tied get verhaole of gediechte veurleze en die kint geer daan op eure computer of tablet bekieke en beluustere.

Veur inspiratie hove veer neet wied te zeuke. Dao zien in de loup vaan jaore zoe väöl prachtege tekste gesjreve in ’t Limburgs tot ’t nog lesteg zal zien um dao-oet ’n käös te make. En zjus umtot dat ‘rs zoe väól zien, wete veer ouch bekans zeker tot geer die verhaole en gediechte veur e groet deil alweer vergete zeet. Dus daan krijg geer noe de gelegenheid um eur geheuge weer ins op te frisse.

Veer beginne in ’t Mestreechs, mèt e verhaol vaan Pol Brounts wat es titel heet “Zaat”.

 

Meh versjèllende ander Veldeke kring höbbe ouch al touwgezag te wèlle bijdrage mèt ’t leze van tekste in hun eigen dialek vaan e Limburgse taol. Veer hope uuch dao e plezeer mèt te doen. En es geer e speciaol verzeuk höb veur wat geer nog ins gere zouwt wèlle hure, laot ’t us wete.