Veldeke Krink Ech geit “Nao ’t Zuuje”

Es ein film de lèste tied aandach haet gekrege den is det waal de film “Nao ’t Zuuje…”  äöver de vastelaovendj in Venlo. En terech!

Veldeke Krink Ech haet in samewèrking mit de Royal Service Bioscoop daoróm mit dees film weer ‘ne filmaovendj aafgespraoke. Op vriedig 9 mieërt, väör Halfvaste, kömptj speciaal väör Veldeke-leje en introducees de film “Nao ’t Zuje”, äöver de Vènlose vastelaovendprins van väörig jaor: zien väörbereiding, zien belaevenisse.  Volges recensies truf de film eindelik èns de gooje sfeer van Vastelaovendj.

Sjus wie eerder kan de Krink dees film, same mit ’n tas kòffie mit vlaai väöraaf, aanbeje väör ‘ne sjappelike pries.  Leje dene den waal zichzelf en eventueel introducees väöraaf aan te melde en te betale. Royal is dae aovendj vanaaf 18 oer aope väör de kóffie-vlaai in de foyer. Óm 19.00 oer begintj de film in zaal 1.

Waat w’r natuurlik neet kóste väörzeen is det de film, nao ’n toer langs ènkel bioscope in de provincie, mit de vastelaovesdaag oppe tv is gewaes. W’r höbbe daonao toch al hieël get minse gespraoke die zagte: “Die wil ich bès nog èns zeen. In zien gehieël (de tv oetzending woor ingekortj) en den op bioscoop formaat, det is toch anges.”  Biegevolg dat op dit moment zich al ruum 70 minse höbbe aangemeld väör dit filmaovend-arrengement.

 

← Ga terug