Veldeke Pluum veur 50-jäörig kefee Aad-Remunj

Bie ’t 50-jäörig besjtaon van kefee-zaal Aad Remunj is op zaoterdaag 2 december door de veurzitter van Veldeke Remunj de Veldeke Pluum oetgereik aan Henk en Annelies Mulders, die al 18 jaor aan dit kefee zeen verbónje.

Kefee-zaal Aad Remunj is väöl meer dan e gezéllig broen kefee. ’t Is de hoeskamer van de Kapel in ’t Zand, ’n plek wo jónk en aad samekómme. ’n Plek wo altied weer nuje planne gesjmeejd kinne waere óm de Kapelse wiek laevendig te haje.

Ouch bie de oetveuring van al die planne vinjt ederein bie Henk en Annelies e podium wo-op de miense de Remujnse taal en kultuur kinne oetdrage. Henk en Annelies make hiemit de waeg vrie veur de versjpreijing van oos Limburgs kultuurgood.

De Veldeke Krink Remunj veult zich al jaore éin van dees wilkómme gaste en wilt dit dan ouch gaer mit de oetreiking van de Pluum kinbaar make.

E klein, maar briljante bewirking van de Sjinderhannes waerde op de jubelejumaovend opgeveurd. Ouch waas d’r ’n sjoon optraeje van ‘Op Good Gelök’ en ‘ne echte renaissance van ‘leste Aom’.

← Ga terug