Veldgewas: de stum bij ’t gediech (november 2024)

Godelieve van Gemen oet Baolder (Baarlo) sjreef oets gediechte veur ’n Abecedarium, boebij veur eder lètter vaan ’t alfabet e gediech weurt gemaak. Ze sjreef die gediechte in ’t Nederlands. Meh veur Veldgewas heet ze noe häör gediech veur de lètter A in ’t Baolders vertaold. En ze heet d’n teks ouch nog ingesproke zoetot veer kinne beluustere wie dat Baolders klink. Es geer op ’t knupke klik, kint geer luustere en d’n teks volge dee droonder steit.

As ich waar

Aj jaj jaj as ich angers waar as angere zien
denn zoej ich mit chronische kop en sjnavelpiên
op buim mótte toepe vur insekte
vur viêf of zes of doêzendzeve wel mesjien

Aj jaj jaj, as, jao denn zoej ich ut
kutelketje zien
van de klas en sjnórbaard lekkende docente
mit iddren daag vuul complimente
en ciêfers wiêd baove ein zeve

Dao zien angere die drinke
Paerdezeik
as ter gen beêr mier is
aete opgekrolde Sjelverves
en höbbe uurkes in de oeëre

Aj jaj jaj angere zien angers
as wae de nach in ein bed verbringk
mit ein werremwaterkroêk en
zjwarte volbloôdmies
In mien zeipblaosbel zaoch wie damas haoj ich mich vas

Godelieve van Gemen, Baolder, november 2024