Verhäölkesbeukske nag beperk te kriege
‘t Is alweer ’ne tied geleje det ’t beukske mit verhäölkes in zeve versjillende dialekte en ein mit de oorsjpronkelike dialecte van de sjrievers is versjene. Door corona en gesjlaote bookhanjels woor d’r minder good aan te kómme. Intösse höbbe heel get kinjer te heure gekrege woróm Libbe Labbe zo mós bäöke, wie ‘t Wazelvötje verging, wie sjoon Mineke zich verklèdj haaj en weite ze waat ‘ne badpiraat duit en det geitekeutels gèn nette zjwarte sjtein zin.
Óngerwiezers höbbe al laote weite det ze d’r oet höbbe veurgelaeze. Sjiek det zo ’t plat aaf en toe aan de orde kump op sjole. Ouch kreeg de redactie positief reacties van eljers, opa’s, oma’s en anger veurlaezers. Die wore veural bliej det ze noe get haje óm veur te laeze in häör eige plat. D’r is zelfs ein gemeinte die beukskes haet aangesjaf óm kedo te doon aan pasgebaore kinjer!
Mer leefs 26 verhäölkes sjtaon d’r in dit beukske. Allemaol veurzeen van ’n toepasselike illusjtratie. Eigelik jaomer det de versies in ’t Zösters en Remunjs al gans oetverkoch zin. Bie vief Veldekekringe zin nag ’n aantal beukskes te kriege, veural ouch via bookhanjels in häör wèrkgebied. Höb g’r d’r nag altied gèn, den zin d’r beukskes te kriege in:
- Wieërt: Bruna, Cigo van Bun, Warenhuis Conceptstore
- Ech: bie Bruna, de Laeswinkel en Museum van de vrouw
- Venroj: Roojboek boekhandel centrum Venray
- Valkeberg: natuurshop Madelief
- Zitterd: Boukhanjel Krings, Kènjerboukhanjel Flow oppe Sjteivig, Bruna in d’n Tempel.
Allein ’t algemein beukske (en ’n beperk aantal van de vief genumde plaatse) is te besjtèlle bie Wil Engels in Thull via e-mail.
Ze koste € 10,- per sjtök + eventueel verzendkoste.