Verhäölkesbook e groet succes

’t Beukske mèt veurleesverhaole veur kinder in ’t Limburgs kint noe al e groet succes weure geneump. In de gezèt De Limburger stoont ’n artikel euver 2 pagina’s boe-in ein van de intiatiefnummers Riky Simons oetgebreid aon ’t woord kump euver ’t tot stand koume vaan ’t book, wat in 7 versjèllende variante vaan de Limburgse taol weurt oetgegeve. Dao is ouch ’n versie boe-in alle verhäölkes in de versjèllende orizjineel dialekte te vinde zien.

Sindsdien struime de bestèllinge veur ’t Verhäölkesbeukske binne bij Veldeke. Es geer nog in aonmèrking wèlt koume veur ’n exemplaar, wach daan neet te lang mèt bestèlle want de veurraod is beperk. Es geer de oetgaof mèt de versjèllende orizjineel dialekte wèlt bestèlle daan kint geer ’n e-mail sjikke nao beukske@zjwame.nl. De pries is € 10,00 (exclusief versjikkoste).

Es geer de variant in éín specifiek dialek wèlt höbbe, daan zien die verkriegbaar via de lokaal Veldeke kring vaan Venray, Weert, Remund, Ech-Sustere, Sittard en Valkeberg. De adresse vaan de lokaal kring vint geer oonderaon edere pagina vaan deze website. Meh geer kint ouch terech op de speciaole Facebookpagina vaan Verhäölkes in ós Limburgs plat.

Nota bene: ‘t Algemein beukske en de variante vaan de mieste lokaal kring zien bij Veldeke jaomer genóg al oetverkocht. Dao kump ‘nen twieden drök dee nog veur Keersemes oetkump. Zoe gaw dee dao is, melle veer dat op deze website.

← Ga terug