Wee deit mèt aon de Dialekenquête?

De Stiechting Nederlandse Dialecten hèlt mèt einege regelmaot ’n online enquête boe-in ze lui oet alle landstreke vraoge bepaolde oetdrökkinge te vertaole in ’t dialek vaan hun eige streek. Op die meneer krijg me ’n euverziech vaan op wat veur versjèllende menere de lui in Nederland en Vlaandere praote en sjrieve.

De Stiechting Nederlandse Dialecten (SND) woort opgeriech es e samewèrkingsverband tösse mètwèrkers vaan Nederlandse en Vlaomse universiteite en wetensjappeleke instèllinge boe aon dialekoonderzeuk weurt gedoon.

Ze zien noem touw aon de vijfde enquête meh ouch wee de veurege veer neet heet ingevöld, kint toch mètdoen. Wèlt geer mètdoen? Gaot daan nao de website boe-op de Dialekenquête te vinde is en völt de vraoge in. ’t Is leuk um te doen en ’t kos uuch hoegoet vief menute.

← Ga terug