Wim Kuipers

Wim Kuipers (Neel 1939) is ‘ne Limburgsen diechter en auteur. Heer studeerde Nederlands en waor werkzaam es journalis veur versjèllende gezètte, boe-oonder de Limburger, boeveur heer jaorelaank de taolrubriek De Letterbak schreef.

Heer is veurvechter vaan ’t Algemein Gesjreve Limburgs (AGL), ouch wel Maaslands geneump, ’n universeel taol die de versjeie Limburgse dialekte euverstijg.

Heer publiceerde twie diechboondels in de Lilili-reeks: Platlandj en Kaoleries. Ein vaan zien bookpublicaties is Wat zaes se? boe-in heer bezunder Limburgse wäörd touwliech.

Heer stoont aon de weeg vaan de reeks Platbook boeveur Limburgse sjrijvers jaorleks hun poëzie en proza kinne indene op basis vaan e wisselend thema. In 2011 initieerde Wim Kuipers zien rubriek Veldgewas, ’n online poëzierubriek.

Veldeke prizzenteert vaan Wim Kuipers:

• Wim Kuipers heet ‘t gans gehad mèt die spellingsdicussie, nao aoleiing vaan ‘n rits ingesjikde breve euver de spelling vaan de Limburgse taol in de gezèt.
• ‘n Reeks aofleveringe vaan De Letterbak, bespiegelinge euver versjèllende aspekte vaan de Limburgse taol.