Zaoterdag “Daag van de Modertaal” bij L1

In samewèrking mèt Veldeke Limburg besteit L1 op zaoterdag 20 fibberwarie aondach aon d’n internationaole “Daag van de Modertaal”. Op 21 fibberwarie weurt euver de ganse wereld d’n “daag van de modertaal” gevierd. De UNESCO stèlt dezen daag jaorleks in ’t teike vaan de taolkundeg en cultureel diversiteit en de mietaolegheid.

Veldeke Limburg veurzitter Christine van Basten-Boddin, teves börgemeister vaan Beek, heet al häör collega’s in Limburg gevraog um ’n bijdraag te lievere. De börgemeisters en gouverneur Bovens hawwe e bondeg en pakkend pleidooi veur hun “modertaal”. Daobie huurt ederskier ’n dialekleedsje.

Wat veur börgemeister liet de R gere rolle en in wat veur börgemeisters woening klink ’t plat Amsterdams regelmaoteg door de hoeskamer. Kees gouverneur Bovens veur ’n algemein Limburgs leedsje of krup zie Mestreechs blood boe ’t neet goon kint?

De deilnummende börgemeisters  zien: Christine van Basten – Boddin – börgemeister vaan Beek, Richard de Boer –  börgemeister vaan Sumpelveld, Theo Bovens – Gouverneur vaan Limburg, Jordy Clemens – Wèthawwer cultuur gemeinte Heerle, Mirjam Clermonts-Aretz – börgemeister vaan Meersse, Petra Dassen – börgemeister vaan Kèrkraoj,  Jos Hessels – börgemeister vaan Ech-Zöstere, Harry Leunessen – börgemeister vaan Vaols, Marion Leurs – börgemeister vaan Stein, Annemarie Penn-te Strake – börgemeister vaan Mestreech, Nicole Ramaekers-Rutjens – börgemeister vaan Gölpe-Wittem, Jan Schrijen – börgemeister vaan Valkeberg aon de Gäöl, Stef Strous – börgemeister vaan Maasgouw, Bob Vostermans – börgemeister vaan Beesel, Luc Winants – börgemeister vaan Venraoj en Désirée Schmalschläger – börgemeister vaan Leudal.

Luuster op zaoterdag 20 fiberwarie nao L1-Radio. Dao huurt geer eder oor eine vaan Limburgs börgemeisters en ’t bijbehurende leedjse. Ouch in ’t dialeprogram Plat-eweg kump e rijke Bórgemeisters mèt hun verhaol aon ’t woord. Op de sociaol-media kenale vaan L1 zien de fèlmkes te bewoondere

 

 

← Ga terug