Zoondag 3 miert: Groet Mestreechs Dictee 2024

‘t Is oondertösse neet mie weg te dinke: ’t Groet Mestreechs Dictee. Bekinde en minder bekinde Mestreechtenere riskere ‘t drop um hun kinnes vaan ’t Mestreechs te teste. Op zoondag 3 miert, um 11.00 oor is ‘t zoe wied: ‘t Groet Mestreechs Dictee 2024. Dit jaor weer in ‘t Centre Céramique. Deiste mèt?

‘t Dictee vaan de 19de editie is gesjreve door Börgemeister Wim Hillenaar. Hillenaar is sinds juli 2023 actief in Mestreech en grip dizze kans um eus taol nog beter te liere kinne, daan ouch mèt twie han aon.

’t Dictee begint wie altied um 11.00 oor ’s mörges. Vaanaof 12.00 zal de jury ziech euver de ingelieverde pepèrre buige um te kieke wee de minste foute heet gemaak. In de tössentied kinste genete vaan ‘n bezunder optrejje. Haw socials en website vaan de Veldeke Krink Mestreech in de gate, want deze week make v’r mie bekind. Roond 13.30 oor weure de prieswinners bekind gemaak.

Zien v’r diech zoondag 3 miert?! Insjrieve kint op de website vaan Veldeke Krink Mestreech via deze knóp.

Nog neet gans zeker vaan dien zaak of pas zjus begónne mèt ‘t sjrieve in ‘t Mestreechs? Doeg daan ‘ns mèt veur spek en boene. Dien dictee loerste daan zelf nao bij de naobespreking. Zoe lierste mie euver ‘t sjrieve in ‘t Mestreechs!