Arsjief Jaorbeuk

Sinds jaor en daag gief Veldeke Limburg eder jaor e Jaorbook oet, boei-in alderhand bijdrage stoon aofgedrök vaan zoewel wetensjappeleke, historiese es literaire aard. Hei kint geer de mies recente edities daovaan downloade.

  • Jaorbook Veldeke Limburg 2018
    Mèt oondermie de Benrather Linie, de spreektaolnaome vaan plante en blomme, ‘n wandeling door ‘t dialeklandsjap vaan Vaols, de gelètterdheid vaan Limburgse basissjaollierlinge en veer varianten veur “jao” in ‘t Mofers.
  • Jaorbook Veldeke Limburg 2017
    Mèt oondermie ‘t dialek vaan Kirchroa, bakkese (bakhoezer) in Limburg, Sjenge, ‘t Limburgs Corpus Dictionaire, de Veldeke Declamatiewedstrijd, e Limburgs accent höbbe en 50 jaor Los Catostrofos.
  • Jaorbook Veldeke Limburg 2016
    Mèt oondermie De verkierde spelling vaan unne, ut etc., de dialekenquête vaan Prof. Pieter Willems, euver de kuns vaan ‘t inmake, Peul, pómpe en pöthuuskes in Zuid-Limburg en väöl mie.
  • Zjubeleibook Veldeke Limburg 1926-2016
    In 2015 is gei Jaorbook versjene meh in plaots daovaan e zjubeleibook boe-in de 90-jaorege historie vaan Veldeke es dialekvereineging bezunder boeiend besjreve weurt. Dat book is noe veur de sjappeleke pries vaan € 5,00 (exclusief versjikkoste) te kriege (kiek in euze Winkel). Um uuch ‘nen indrök te geve vaan d’n inhaajd kint geer hei alvas ‘t hoofstök euver De-Start-van-Veldeke bekieke.
  • Jaorbook Veldeke Limburg 2014
    Mèt oondermie: 10 Jaor Limburgse spelling – Wie Limburgse kinderkes liere “zinge” – ‘t Tegeliek verwèrve vaan ‘n streektaol en ‘t Nederlands, de Veldeke Literatuur pries en väöl mie.
  • Jaorbook Veldeke Limburg 2013
    Mèt oondermie: Good Nederlands mèt ‘nen Limburgsen oondertoen – De herkinning en waardering vaan zes Limburgse “stadse”- dialekte – Wie steit ‘t Venloos d’r allewijl veur? – de Jo Hansenpries en väöl mie.