Leonie Cornips
Leonie Cornips (Heerlen 1960) is wèrkzaam es oonderzeuker Taolvariatie aon ’t Meertens Instituut in Amsterdam en es bezunder hoeglieraar Taolcultuur in Limburg aon de Universiteit vaan Mestreech.
Zie is vaan hoes oet taolkundege, sociolinguis en gespecialiseerd in oonderzeuk nao vömr vaan nui Nederlands wie dat gesproke weurt in Heerle of Lombok (Utrech) en Rotterdam.
Daoneve veriiech zie oonderzeuk nao wie jong kinder ’t Nederlands es hun ierste en twiede taol verwerve. En es lèste oonderzeuk zie taolcultuur in Limburg: wie lui ziech door taolgebruuk oonderein wel of neet identificere en andere oet- of boeteslete.
Veldeke prizzenteert vaan Leonie Cornips :
- ‘t Convenant euver de Limburgse taol naoder bekeke
Leonie Cornips besjrijf de achtergronde en meugeleke consequenties vaan ‘t convenant wat de riekseuverheid eind 2019 geit slete euver de erkinning vaan ‘t Limburgs es regionaol taol. - Nao aonleiing vaan ‘t KNAW rapport “Talen in Nederland”
Leonie Cornips plaots de discussie euver mietaolegheid in e breier perspectief door aondach te vraoge veur de identiteitsaspekte en de emoties die mèt ‘n taol samegoon. - Nao aonleiing vaan ‘t artikel “Kind moet over op plat” in De Limburger
Leonie Cornips nump journaliste vaan de Limburger de maot nao aonleiing vaan ‘n artikel euver ‘t gebruuk vaan de Limburgse taol in peuterspeulzaole. - Euver de studies vaan Lotte Thissen en Stefanie Ramachers
Lotte Thissen doog oonderzeuk nao de meneer boe-op taol gebruuk weurt um lui oet te slete of in te slete binne ‘ne sociale gróp. Stefanie Ramachers doog fonologisch oonderzeuk nao de geveulegheid vaan Limburgers voor de toenhuugde in hun taol. - Euver de Limburgse kunstenares Marianne van der Heijden
Marianne van der Heijden waor ‘n kunstenares die opgreujde in Kerkraoj en later nao Amsterdam vertrok um ‘n opleiing te volge. Lies Netel wijde häör proofsjrif aon ‘t leve vaan Marianne en besjrijf de rol vaan de katholieke kèrk dao-in. - ‘t Nuijaorsberiech vaan de TaolUnie: ‘ne gemisde kans
De TaolUnie nump ‘t Limburgs es taol – oondaanks de officieel erkinning es streektaol – nog altied neet serieus, zoe bliek oet ‘t Nuijaorsberiech.