Rundsje Veldeke

Veldeke Limburg heet ‘ne nuie veurzitter en ‘ne nuie sikkertaris en dat zalle veer wete. De nuien tandem, Christine van Basten en Ron de Louw, is zien bestuursperiood begonne mèt e rundsje te make langs alle lokaal Veldeke kring. Um kinnes te make mèt de lokaal bestuurders en um te vernumme wie de samewèrking tösse de kring en ’t provinciaol bestuur geoptimaliseerd kint weure.

Tot noe touw zien zeve lokaal kring bezeuk, die vaan Venlo, Remund, Ech, Mestreech, Venraoj, Sittard en Um Mamelis. Vaan alle bezeuke heet euze veurzitter Christine vaan Basten e verslaag gemaak, dat eders kier ‘ne goojen indrök gief vaan boe de lokaal kring mèt bezeg zien en wat zie vaan de samewèrking mèt ’t provinciaol bestuur verwachte.

Geer kint die verslage hei naoleze:

De euverege kring koume in de loup vaan dit jaor aon de beurt. ’t Verslaag vaan die bijeinkomste kint geer eders kier leze op euze website en via de Nuutsbreef.